Venezuelan jaio eta han eman nuen haurtzaroa. Hango naturak liluratu ninduen. Erresuma Batuan Biologia ikasi eta Biokimika Mikrobianoan doktoratu nintzen. Donostiako Kimika Fakultatean (EHU) eman dut ibilbide profesionala, bertan irakasten eta onddoen biologia eta aplikazioak ikertuz. 2008ko urtean Biofungitek S.L. enpresaren sorreran parte hartu nuen, landareentzako fungizida naturalak sortzeko helburuarekin. Esperientzia horri esker, nekazaritzaren mundua  gertutik ezagutzeko aukera izan nuen.
Orain hezkuntza eta dibulgazio zientifikoan dihardut.